Tiza y Peonza ye una tienda de regalos nel cascu históricu d’Avilés y una marca de ropa con frases n’asturianu. Diseñamos y estampamos a mano camisetes, bodys, baberos y complementos, y acompañámoslos d’una escoyeta de productos d’artesanos y productores asturianos. D’Asturies pa tol mundu.
La nuesa hestoria
Soi Olaya, la creadora de Tiza y Peonza. Esti proyeutu naz de dos premises: d’un llau, la necesidá de compaxinar la mio vida familiar tres el nacimientu del mio fíu y, d’otru, la mio pasión, dende va munchos años, pola creación artesanal y el diseñu.
Empecipiemos en 2021 participando en feries y mercaos. La clientela foi creciendo, cada vez más xente nos pidía un sitiu onde atopanos, y Roberto y yo diemos el pasu d’abrir tienda física. Güei vas atopanos na Calle La Fruta, 16, y tamién nesta web y nes nueses redes.
Por qué «Tiza y Peonza»
El nome ye un homenaxe a la infancia: a los ratos de xuegu na cai, a lo cenciello y a l’allegría de les coses pequeñes. Esa ye la esencia de too lo que facemos.
Frases n’asturianu, con humor y con cariñu
La nuesa marca pon l’asturianu en camisetes, baberos y bodys: frases de casa, de la cai y de la familia. Delles de les más pidíes son «Fáltate una patatina pal kilo» o «Por ti cuchaba en chancles», y tenemos munches más, unes divertíes y otres con un toque más friki. Cada pieza estámpase a mano, asina que nun va haber dos iguales.
Los nuesos valores
Asturies
Por raigañu, por ponela en valor y, sobre too, pola necesidá de reivindicar una identidá cultural y xeográfica propia.
Familia
El puntu de partida y el motivu principal de qu’esista Tiza y Peonza: el valor del tiempu colos nuesos.
Fechu a mano
Productos únicos estampaos a mano. Nun va haber dos iguales, enxamás al 100 %.
La nuesa tienda n’Avilés
Na Calle La Fruta, 16, en plenu cascu históricu d’Avilés, ta Tiza y Peonza y collacios: diseñu, gastronomía, arte y regalu. Amás de los nuesos diseños, ellí vas atopar productos de proximidá d’otros artesanos y marques asturianes, como Ringo Rango, Acuto Xuegos o Mondo Manzana, y tamién llibros, detalles de regalu y cerveces artesanales.
Nun son los típicos recuerdos turísticos: son regalos auténticos que reflexen la cultura asturiana y presten tanto si yes d’equí como si vienes de visita.
Comerciu sostenible y de proximidá
Apostamos por un consumu más consciente: productos duraderos frente a la producción masiva, y proveedores llocales, rexonales y nacionales, munchos d’ellos artesanos y productores independientes. Asina amenorgamos el tresporte y reforzamos la economía de proximidá.
- Entregamos en bolses de papel, caxes y sobres, axustando l’embalaxe al tamañu de cada productu y ensin materiales innecesarios.
- Reutilizamos les caxes y los embalaxes de los nuesos proveedores siempre que podemos y priorizamos materiales reciclables nos unvios y na tienda.
- Trabayamos con albaranes dixitales y, na tienda, namás imprentamos el tique si nos lo pides.
Puntos de venta
Amás de na nuesa tienda y na tienda en llinia, pues atopar los nuesos productos en:
- Bar tienda La Venta los Probes (Valle d’Ardisana, Llanes)
- Raigaños (Cudillero)
¿Tienes una tienda física y préstate lo que facemos? Escríbinos a hola@tizaypeonza.com: Tiza y Peonza ta deseando atopar el so sitiu nos tos estantes.
D’Asturies pa tol mundu
Munchos asturianos que viven fuera siguen mercándonos a traviés de la tienda en llinia, y los nuesos productos llegaron a llugares tan lloñanos como Nueva Zelanda. Na tienda tenemos un mapa na paré con tolos sitios a los que viaxaron. ¿Ayúdesnos a enllenalu?
Síguinos n’Instagram y en Facebook pa ver les novedaes enantes que naide.
¿Tienes un eventu?
Hai munchos tipos d’eventos, familiares o profesionales, y caún necesita un productu afayadizu a la situación, a la temática o al presupuestu. Seguro qu’atopamos la manera d’encaxar colo que busques y ser parte de la to celebración.