Equí tienes les dubies más avezaes sobre unvios, pagos, devoluciones y talles. Si nun atopes lo que busques, escríbinos a hola@tizaypeonza.com.
Unvios
¿Aú unviáis?
Unviamos a la península y a Baleares. Si tas n’otra zona, entrúganos y buscamos la manera de fácetelo llegar.
¿Cuánto cuesta l’unviu?
L’unviu cuesta 5,50 € col IVA incluyíu, seya cual seya’l tamañu del pidíu.
¿Cuánto tarda en llegar el mio pidíu?
Preparamos el pidíu en 1 a 3 díes llaborables y la entrega tarda 48/72 hores llaborables dende l’unviu. Nos pidíos personalizaos el plazu varia; si per dalgún motivu s’allargare, avisarémoste enantes.
¿Puedo recoyelo en persona?
Sí. Pues recoyelo ensin gastos d’unviu na nuesa tienda de la Calle La Fruta, 16, n’Avilés: escueyi la recoyida na tienda al finar la compra. Mira tamién el restu de puntos de venta en Quién somos.
¿Cómo empaquetáis los pidíos?
Con bolses de papel, caxes y sobres axustaos al tamañu de cada productu, ensin plásticos nin materiales innecesarios. Siempre que podemos reutilizamos embalaxes y priorizamos materiales reciclables.
Pagos
¿Cómo puedo pagar?
Con tarxeta, de forma segura. Tolos precios inclúin l’IVA.
Cambeos y devoluciones
¿Puedo devolver un productu?
Sí, los productos non personalizaos puen devolvese nun plazu de 14 díes naturales dende que los recibes. Los gastos de la devolución corren a cuenta del veceru.
¿Hai productos que nun se puen devolver?
Por hixene, el menaxe de llar (vasos, taces y botelles) nun almite devolución. Tampoco los productos personalizaos, porque se faen a midida, sacante que haya un fallu nuesu nel diseñu o na producción.
¿Y si me llega con un defeutu?
Avísanos nos 3 díes siguientes a la receición con delles semeyes y repónemostelo o devolvémoste l’importe. Nesi casu los portes corren de la nuesa cuenta.
Productos y talles
¿Qué talles tenéis?
Les camisetes y sudaderes d’adultu van de la XS a la 3XL según el modelu. Les infantiles van dende la talla 1 hasta la 12/14, y los bodys de bebé en 3/6 y 6/12 meses. En cada productu ves les talles disponibles. Si dudes ente dos, escríbinos enantes de mercar.
¿El productu ye igual que na semeya?
Cada pieza estámpase a mano, asina que pue haber diferencies pequeñes ente unidaes. Nun va haber dos iguales, enxamás al 100 %.
¿Puedo pidir un diseñu personalizáu?
Sí. Cuéntanos la to idea y mandámoste dellos bocetos pa escoyer. Tienes tolos pasos en Personalización.
¿Tenéis tienda física?
Sí, na Calle La Fruta, 16, nel cascu históricu d’Avilés. Ellí tenemos tamién productos d’otros artesanos y marques asturianes.
¿Vendéis a tiendes?
Sí. Si tienes una tienda física y préstate lo que facemos, escríbinos a hola@tizaypeonza.com: Tiza y Peonza ta deseando atopar el so sitiu nos tos estantes.